Spaghetti me kërpudha Cardoncelli është një pjatë e parë vegjetariane, shumë e thjeshtë dhe plot shije e dietës mesdhetare.
DETAJE
5 minuta
20-25 minuta
Print
PËRGATITJA
Me shirat e para të vjeshtës fillon stina e kërpudhave dhe Cardoncello është një lloj kërpudhe tipike mesdhetare, që ngjan si në pamje, ashtu dhe në shije me kërpudhat Porcini. Në fakt këtu njihet me pseudonimin “porcini i varfër”, sepse kushton shumë më pak, por nuk është aspak i varfër si në shije, ashtu dhe në vlerat ushqimore :).
Si fillim pastron në ujë kërpudhat Cardoncelli, i pret me copa të vogla dhe vendos një tigan me pak vaj ulliri e hudër, të skuqet pak hudra përpara se t’i hedhësh kërpudhat. I spërkat pak kripë dhe i përzien shpesh. Vendos një tenxhere me ujë dhe kripë ku do ziesh makaronat spaghetti. I heq makaronat 1-2 minuta para dhe i le të vazhdojne gatimin tek tigani me kërpudhat, duke i përzier gjatë gjithë kohës. I shton pak ujë nga tenxherja, nëse thahen shumë dhe majdanozin e prerë hollë. Gati :)!
